taken by JBoy Lopez outside our house
sabado ng hapon, January 2, 2010, nag-message sa akin si Bits thru facebook chat. nangamusta lang siya regarding my birthday celebration last November 2009 – sinabi ko oks naman, masaya… mas masaya nga lang sana kung nakapunta sila nina JBoy, Ralph and Allen. actually, nagulat nga ako at nag-message si Bits kasi nga hindi naman siya nagme-message sa chat, text, email o kung saan man. 2003 pa kami huling nagkita sa UP Diliman Fair and that was basically it – we lost touch ever since. si JBoy (or Jonathan or Jay) naman huli kong nakita in 2004 pa, nung pumunta silang mag-asawa ni Ellen sa birthday ko, si Ralph and Allen naman hindi ko matandaan if it was 2004 or 2005, but all i remember is that it was a dinner/get-together at Libis. since then, kanya-kanyang buhay na kami at nagka-konektahan lang talaga sa mga online na networking sites gaya ng friendster, multiply at facebook. narito ang excerpts ng chat namin ni Bits na ipinadala ko sa boys that day:
Boys, kamusta na? Happy New Year! ka-chat ko si Bits kanina at eto napag-usapan namin. pwede ba kayo bukas? tara!
2:48pm Bits
may mga pasok?
2:48pm Mic
ewan ko. wala naman yata
2:48pm Bits
eh di bukas :)
2:50pm Bits
alam mo ba kung san sila nakatira?
2:51pm Mic
si Jay alam ko sa Pasig pa rin. si Joms sa dati pa rin, si Allen di ko sure kung sa San Mateo pa rin
married na pala si Allen
2:52pm Bits
nakita ko nga sa fb eh
ikaw san ka na?
2:53pm Mic
dito pa rin sa Metroville pre
shet, kailangan magkita-kita ang mga TAK Boys
kahit one weekend lang
2:55pm Bits
tarakas daanan kita tapos daanan natin!
tara, bukas daanan kita tapos daanan natin
2:56pm Mic
oks lang sa king bukas. basta wag masyadong gabihin. paano ba i-copy paste ito? i-message na rin natin sila para may warning, hehehe
Bits
haha, di ko sure sa facebook :P
try ko
2:59pm Mic
nakopya ko na
i-message ko para kasama tayo lahat sa recipients
Jonathan Lopez January 2 at 7:40pm Reply
ok lang ako. saan ba?
Mic Entoma January 2 at 9:35pm
dadaan si Bits dito bukas ng 9AM. di ko alam kung saan, pero oks lang sa akin kahit sa bahay lang ng kahit sino sa atin, para less hassle di ba?
so ayun na nga, dumaan dito sa bahay si Bits at sinundo ako. habang nasa sasakyan ay tinext namin si JBoy para pasunurin kung saan man, at nagkwentuhan tungkol sa Ondoy at ang naging epekto nito sa mga buhay-buhay namin. pinuntahan namin sa bahay si Ralph para sunduin kahit na hindi siya nag-confirm sa text. akalain mong natandaan pa rin namin ni Bits ang daan papunta doon – maybe it’s a sign na magiging okay ang araw na iyon. in true Ralph fashion, inabutan namin siyang hindi pa bihis nung oras na iyon, pero oks lang naman kasi pina-meryenda muna kami ni Tita Harriet (Mama ni Ralph) ng cookies at coke. matapos magpa-alam, umalis na kami – wala naman kaming lugar na planadong pupuntahan talaga, so we decided na dumiretso sa UP Diliman at bahala na kung anong mangyari.
habang umaandar ang sasakyan, kwentong ex-related ang banat ko dahil isa yun sa mga na-ungkat na topics – the lack of closure, the screwjob ending and all that shit – pero nagkuwento lang ako to update them regarding my life, wala namang bitter ocampo 3:16 moments whatsoever. sa may Katipunan, bumili ng isang dosenang Strong Ice in can itong si Bits para may mainom kami – pero hindi habang nagda-drive, ha? pagdating sa UP ay dumiretso kami sa parking space sa likod ng Faculty Center at nag-inuman nang patago habang nagkukuwentuhan tungkol sa mga buhay-buhay namin – ang trabaho ni Bits sa customer service at ang mga work-related na pagtawag sa kanyang cellphone, at ang trabaho ni Ralph bilang transcriber ng mga conversations ng iba’t ibang tao para sa iba’t ibang purposes, mapa-business, monkey business o kung ano man, among other things. hindi pa rin nagre-reply si JBoy kung kaya’t nag-yaya na si Bits mag-lunch.
at saan naman niya kami dinala? surprise, surprise! sa goodburgers kami pumunta, along Maginhawa street sa Sikatuna Village. medyo malapit lang siya sa opisina namin, and since nasubukan ko na ang burgers nila (although hindi pa lahat), alam kong masarap ang pagkain doon. siyempre pasaway ako at hindi ko pa ubos ang beer ko kaya inubos ko na muna doon habang naghihintay kami ng orders namin. at this time, naglabas ng SLR camera si Bits – naka-Nikon si loko – at nagkali-kalikot / nagkuha ng pics. pagdating nag orders ay nagkanya-kanya muna kami ng lamon – i had the cheesy mushroom burger (chicken patties, best size) pati regular wedges w/ ketchup, at bottled water kung kaya’t solb na ako pagkatapos. medyo pasaway si Mayor kung kaya’t matapos kumain eh nagpadaan muna ako kay Bits sa office namin para makapag-CR ako – buti na lang at naka-duty si Manong guard.
afterwards, nagmaneho lang si Bits hanggang mapadpad kaming tatlo sa Libis – during that time ay nagkukuwento ng ex-related na bagay si Ralph as well as yung na-encounter niyang matandang babae sa dati niyang trabaho bilang legal adviser. ang punchline nung matandang babae (na mukha daw university professor) ay tinanong siya ng: “Hindi mo ba ako kilala? Ako ang kasama ni Ninoy sa P500!” – putang-ina, as in “putang-ina” lang ang nasabi namin sa kwento niyang yun. after that, dinala kami ni Bits sa Antipolo para mag-chillax lang at uminom nang konti sana, kaya lang, medyo napakiramdaman niyang nagkaproblema ang kanyang sasakyan kung kaya’t nag-decide na lang kaming bumalik. napag-desisyunan na lang namin na tumambay sa bahay at mag-jam kuno. dumaan kami sa Sta. Lucia para bumili ng string ng acoustic guitar at bumili na rin ako ng capo at picks. siyempre, blooper na naman itong si Bits at nakalimutan yung binayarang item sa counter kung kaya’t hinabol pa kami nung shop assistant nang paakyat na kami sa escalator. ewan ko ba, talaga nga sigurong comedy ang halos lahat ng eksena kapag kami-kami ang magkakasama. matapos lumabas sa parking area na pagkahaba-haba ng daan, mendyo napangiti naman kami ng parking attendant na kamukha ni Maja Salvador kaya tuwang-tuwa naman kaming tatlo. bago umuwi, dumaan muna kami sa isang convenience store sa Caltex para bumili ng chips, softdrinks at yelo para may ka-terno naman ang Alfonso Brandy ko sa bahay na regalo naman ni Pepper nung birthday ko.
pagdating namin sa bahay, ipinagluto kami ni Nanay ng pork steak na pulutan at nag-init din ng pasta para ka-terno ng natira naming beer. hindi rin naman kami nakapag-jam kasi nauwi kami sa panonood ng “Joe Dirt” sa PC. since nag-online ako sa facebook at that time, nabasa ko ang messages nina Allen at JBoy (Jonathan):
Allen Hernandez January 3 at 9:55am Reply
oioi... saya to! kaso short notice... ibang weekend sana :)
Jonathan Lopez January 3 at 2:04pm Reply
oo nga resched na lang. hindi ako makaalis today. nanganak yung asko ko. walang mag-aalaga
sumagot ako at baka sakaling makahabol pa sila or kung anuman:
Mic Entoma January 3 at 2:17pm
andito kaming tatlo nina Joms sa bahay, galing sa UP tapos kalahati ng Antipolo pero heto at bumalik sa kapatagan dahil dumighay yung kotse ni Bits. nag-Sta. Lucia kami para bumili ng string at magbayad ng parking fee na okey lang kasi kamukha ni Maja Salvador yung parking attendant. sayang wala kayo pare. sana sa ibang weekend pare, kumpleto tayo.
nakahabol pa si JBoy nung hapon, pero mukhang di talaga pwede si Allen kung kaya’t semi-reunion lang talaga ang aming pagkikita. siyempre, dala ni JBoy ang ever-reliable kotse niyang si TAK – isang pulang Toyota Corolla na may plate number TAK *** – hence, the TAKBoys name came to be. tribute namin iyon kay TAK at sa aming naging samahan nung college. if my memory serves me right, i think si Allen ang nag-coin ng TAKBoys na name ng aming munting tropa. ikwento ko mamaya ang iba pa naming mga adventures noong college pagkatapos nito.
nagdala din ng SLR itong si JBoy at Nikon din kagaya ng kay Bits. nagpicture-taking kami sa labas ng bahay – with TAK of course – for old times’ sake. nagkwentuhan yung tatlo about car-related stuff na hindi ako maka-relate kasi wala naman akong kotse, at kinuwento rin ni JBoy ang mga ailments ni TAK dahil sa katandaan na rin. afterwards, pumunta kaming apat sa Brick Road sa may Sta. Lucia para mag-dinner at tumambay, pero sarado yung place na ni-recommend ni Bits kung kaya’t nag-park na lang siya doon at nag-dinner kaming apat sa Hassan’s (isa siyang Persian restaurant / steak house sa bangketa along Felix Avenue just outside Sta. Lucia Mall) habang nagkukuwentuhan. kung anu-ano pa ang napag-kwentuhan namin, magmula sa Typhoon Ondoy, mga kalokohan namin noong college, family life nina Bits & April / JBoy & Ellen, hanggang sa kanya-kanyang mga adventures namin – pati ang mga pag-gala-gala ko kasama ang mga bagong kaibigan, a.k.a. kayo. sinuggest ko nga sa kanila na i-add sa network nila ang R.A.C.E. para in the future baka makasama sila at makilala kayo. tapos na kaming kumain nina Bits at Ralph pero hindi pa dumadating yung order ni JBoy – biniro nga namin na baka kinakatay pa yung baka. after dinner, bumalik na kami sa bahay at nag-picture taking ulit bago magpaalam sa isa’t isa. we all wished na sana next time, kumpleto na kami para mas masaya. i later found out na hindi talaga pupuwede si Allen dahil may sakit yung wife niyang si Rose. nga pala, if i remember correctly, nakapag-reconnect ako kay Allen thru facebook sometime nung pagkatapos ng birthday nina Meimei and Sally sa Casa Ligaya. nag-comment si Rose sa isang picture na pinost ni Ronnel at kilala daw ako ng bf niya – who turned out to be Allen nga. ang galing, di ba?
masaya ako nung araw na iyon kasi kahit papaano eh nag-reconnect kami ng ilan sa mga taong itinuring kong mga tunay kong kaibigan. naiintindihan ko namang mga busy kami lahat kung kaya’t hindi na kami makakapagkita-kita nang madalas gaya ng dati – at siyempre, may mga kanya-kanyang priorities na din naman kami. to this day, wala pa naman uling plano kasi mga busy talaga, pero sana in the future magkita-kita ulit kami.
you might be wondering: sino ba sila? sila ay mga schoolmates/classmates ko noong high school sa Lourdes na naging ka-close ko lang noong college days ko na sa UP Diliman (1995-2000). nung first sem ng freshman year, nakasama ko si Bits sa registration and nakita pa nga namin si Kuya Paolo, ka-barkada ng Kuya ko. nalaman ko na magkatabi lang ang mga building namin ni Bits (sa Palma Hall ako [College of Social Sciences and Philisophy], sa Palma Hall Annex naman siya [Department of Psychology]) kung kaya’t sa tingin namin malamang ay magkikita kami nang malimit, either sa GE subjects or sa kung saan man. si JBoy naman, may common free time kami pag Tuesdays and Fridays at nagkita kami isang beses tapos kwentuhan, tambay lang, bili ng lunch tapos tingin-tingin sa mga chicks. sa katabing building ng College of Arts and Letters naman siya, taking up BA English, along with Ralph who was under the Creative Writing program nung time na yun. si Allen ang pinakamalayo sa amin kasi nasa School of Economics siya nun, pero barkada na sila ni Ralph since high school.
naging close kami sa isa’t isa nung 1997, at a time na we were beginning to take up major subjects sa mga kurso namin. madalas kaming magkita-kita nina Bits, Ralph, Jay at Allen tuwing registration sa UP and there was a time na synchronized yung mga free time namin every Tuesdays and Fridays kung kaya’t tambay-tambay lang kami sa Palma Hall – aral, yosi, tawanan, kwentuhan tungkol sa mga frustrations sa buhay / babae, at iba pang mga drama. nahilig din kami nina Jay, Ralph and Allen sa basketball kung kaya’t tuwing hapon ng Tuesdays and Fridays ay pumupunta kami sa asphalt half court ng CPA (College of Public Administration at that time, NCPAG or National College of Public Administration and Governance na ngayon) para maglaro at minsan nga nakakalaro namin yung mga manong doon, or minsan naman kami-kami lang. usually kasama din naman namin si Bits kaso wala naman siyang hilig sa basketball kung kaya’t tambay / yosi / gitara / laro ng WORMS / kwentuhan lang kami pagkatapos ng mga laro. during those times, dala-dala ni Jay ang kotse niyang si TAK, at usually may dala rin siyang bola ng basketball sa trunk, gitara, damit, readings, laptop, etc. naging habit naming lima ang pag-uwi nang sabay-sabay after our classes, with or without TAK – usually after classes, tambay-tambay lang, yosi, kwentuhan tungkol sa mga nangyari that day, e.g., kung nakita ba ang kras, kung pinansin ba ng kras, kung hindi pinansin ng kras, kung napag-initan ng prof habang iniisip ang kras, at kung anu-ano pang mga bagay. ilan pa sa mga bonding activities namin ay ang paglalaro ng WORMS sa laptop ni Jay, pagkain ng isaw sa may Kalayaan Dorm sa pwesto ni Mang Larry, pagtambay / pag-inom sa lagoon paminsan-minsan, or panonood ng featured film sa Film Center every now and then.
minsan, nagpunta kaming Robinson’s Galleria at dala-dala ni Jay yung gitara niya. habang nagda-drive si Jay, puro kagaguhan ang mga pinagsasasabi namin nina Ralph, Bits at Allen habang naggi-gitara tapos tawanan kami nang tawanan – every ilang seconds habang may nagsasalita, biglang may sisigaw na isa sa amin ng: “Aba!!! , Ha?!?!? or Ano daw?!?!?” tapos nagtitinginan yung mga tao sa ibang sasakyan at parang iniisip nila na mga siraulo kami. isang beses naman, nag-comedy jam kaming tatlo nina Ralph at Jay sa bahay nina Ralph – ni-record pa nga sa tape yun, at di ko lang alam kay Jay kung buhay pa ang tape na yun – para kaming Pork Chop kaya lang trio tapos may nag-gigitara. madaling-araw na kami natapos sa kagaguhang iyon. buti na lang at hindi kami pinaghahataw ng diyaryo ni Tita Harriet (Mama ni Ralph) nung time na yun dahil sa kakulitan namin. there was also this one time na nanood kami sa sinehan ng “High School High” (starring John Lovitz, Tia Carrere and Mekhi Phifer) tapos tawa kami nang tawa dun sa eksenang sinusubukan ni John Lovitz yung produktong “scrotum isolator” – in fact, nung mag-comedy jam kami kina Ralph, kinonsider naming group name yung scrotum isolators dahil sa sobrang katatawa namin sa sinehan. hindi ko rin makakalimutan yung time sa 4th floor ng Palma Hall na may ginaya kaming Tito, Vic and Joey skit kung saan nagbabasa ang isa sa amin ng diyaryo at nag-a-ad lib na yung article sa diyaryo ay tungkol sa isang sunog, tapos nang may umakyat na estudyante, sinindihan yung diyaryo tapos pinatay namin yung umaapoy na diyaryo sa concrete table sa pamamagitan ng pag-apak sa kanya. grabe, bumaba at nagsumbong sa gwardiya yung estudyante kaya mabilis naming niligpit yung mga abo. buti na lang at hindi sumama sa gwardiya yung nagsumbong kung kaya’t nang tanungin kami nung gwardiya kung may nakita ba kami, sinabi namang wala dahil kadadating lang namin doon at naghihintay sa next class namin. sobrang kinabahan din kami doon, pero nakalusot pa rin sa gusot – oo, it was stupid pero we thought it was a funny prank at the time. pagkatapos nun ay nagsipasok na kami sa mga classrooms namin at umattend ng kanya-kanya naming European language subjects. karaniwang eksena na rin sa amin noon ang mag-meryenda ng banana cue, kamote cue, lumpiang toge, fishball, kikiam, coke, sprite, royal, fanta na hindi inaalala kung magsisitaba kami dahil parang ang taas ng metabolism mo kapag bata ka pa – nowadays, kahit gutumin mo ang sarili mo, tataba ka pa.
meron din naman kaming bad times, and usually nandoon naman kami para makinig at dumamay sa isa’t isa. hindi man namin mapangakong malulutas ang problema ng bawat isa, at least we all had each other kapag kailangan mo ng mapagsasabihan / mapapag-share-an ng sama ng loob, problema at iba pa. minsan, isang tapik lang sa balikat o ang mga salitang “andito lang kami,” malaking bagay na. sa mga times na iyon, masaya at malungkot, sila ang mga kasama ko / mga naging kaibigan ko. alam kong hindi na maibabalik ang mga times na iyon, pero masaya ako at naging magkakaibigan kami. it was somewhat inevitable na nagkaroon ng time sa aming buhay kung saan kailangan na naming mag-focus sa aming studies / courses / major subjects kung kaya’t we all had to be apart. sina Ralph and Allen decided to shift into Public Administration kung kaya’t sa NCPAG sila nag-base, while si Bits naman shifted sa Arts and Letters from Psychology kaya sa katabing building lang siya – magkasama sila ni Jay na nag-stay sa course niyang BA English. ako naman, i pursued my degree in Sociology and joined a college-based sociology organization kung saan may mga nakilala din akong iba pang mga kaibigan, including my first girlfriend. doon ko din nakilala ang ilan pang mga kaibigan ko hanggang ngayon – sina Francis, Ajel, Archie, Menan, Amy, Aileen, Pia, Malou, and Anne. paminsan-minsan, dumadaan sina Bits and Jay sa tambayan namin para mangamusta or tumambay din – at naging kaibigan din nila ang ilan sa mga nakilala ko sa sociology org na sinalihan ko. so ayun, sila ang ilan sa mga kapatid ko sa labas ng bahay, mga naging bahagi ng buhay ko – sina Jonathan Virgil Florentin Lopez, Ralph Rey Macaldo Navelgas, Labrador Paras Victoria, Allen Joseph Malimban Hernandez, at kasama ako, si Christian Michael Curia Entoma… kami po ang TAKBoys. maraming salamat sa pagbabasa ng maikling istorya naming ito.
p.s. maraming salamat kina Bits at Jay sa mga pictures. Boys, ulitin natin ‘to ha? =O)>
No comments:
Post a Comment